Bagian Awak Sato

1.  Tanduk
	-  Dongkol, tanduk anu ngulapés duanana, goréng katénjona.
	-  Leker, bangun tanduk munding anu méh siga leukeur (méh mangrupa sirkel),
	tungtung jeung tungtung padeukeut.
	-  Ranggaék, tanduk anu cagakan atawa nu nyengklik.
	-  Sanggadulang, bangun tanduk munding anu melengkungna rubak ka gigir.
2.  Hulu
	-  Balung, jawér hayam nu ka luhur (bagian luhur).
	-  Bangus, sungut sasatoan suku opat, anjing, babi jsb.
	-  Cula, sabangsa tanduk dina cukang irung badak.
	-  Cungur, tungtung irung sasatoan sabangsa munding jsb.
	-  Gading, sihung gajah atawa singa laut.
	-  Jawér, gagabér (hayam jsb.) handapeun caréham.
	-  Loyop (koplok), ceuli sasatoan anu ngapléh.
	-  Pamatuk, sungut sasatoan sabangsa manuk , hayam jsté. paranti macok.
	-  Rancung, ceuli sasatoan anu nangtung, jeceng.
	-  Sihung, huntu sato galak, bangunna méncos antara huntu hareup jeung caréham.
	-  Tulalé, irung gajah nu panjang sarta bisa dipaké barang cokot saperti leungeun.
3.  Awak
	-  Buntut, bagian awak sato nu pangtukangna.
	-  Burih, bagian eusi beuteung bangsa manuk tempat ngancurkeun (ngagiling) ka-
	hakanna.
	-  Cécépét, anggahota badan lauk cai pikeun kasaimbangan awakna.
	-  Dada mento, daging dada hayam jeung bangsa manuk lianna.
	-  Gagabér, bagian kulit beuheung sapi India jeung sawatara sato séjén nu guwang-
	gawing.
	-  Jangjang, anggahota badan bangsa manuk, insékta jsté. nu biasana sok dipaké
	hiber.
	-  Pamatil, cucuk cécépét lauk tur sawaréh ngandung peurah.
	-  Sisit, bagian kulit sasatoan tina sabangsa tanduk nu nyusun.
	-  Telih, sarupa kantong handapeun beuheung hayam jeung bangsa manuk lianna,
	tempat ngumpulkeun kahakanan.
	-  Tunggir, bagian buntut hayam jeung bangsa manuk, ngandung gajih pikeun nga-
	leuciran buluna.
4.  Suku
	-  Cakar, tapak cokor.
	-  Ceker, kuku sato opat nu beulah dua (embé, sapi jsté.).
	-  Cokor, suku sasatoan.
	-  Siih, sénggéh suku hayam jago jsb. nu siga sihung paranti ngabintih.
	-  Talapok, kuku kuda nu sok diterapan beusi ti handapna.
5.  Bulu
	-  Borontok, warna bulu hayam, hideung atawa beureum campur totol-totol bodas.
	-  Bulu kumuut, bulu nu kakara jadi, lemes kénéh.
	-  Bulu pangéré, bulu manuk nu kakara mekar congona.
	-  Jambul, bulu-bulu istiméwa dina hulu sawatara hayam, japati jsté. nu rada
	nyungcung.
	-  Kondang, warna bulu hayam semu konéng.
	-  Kukuncung, bulu anu ngacung atawa ngacir dina huluna.
	-  Renggé, warna bulu hayam nu méh siga célé leutik.
	-  Rintit, bulu hayam nu carentik.