Kecap Panuduh Bilangan

Ambekan	=	Sadami
Awi	=	Sabébék
Awi	=	Saleunjeur (satangkal)
Awi	=	Sadapur (sagunduk nu diwangun ku sababaraha tangkal)
Bako	=	Salémpéng
Bangsal	=	Sacangi (sasiki)
Bawang	=	Sasihung (sasiki)
Béas	=	Sacanggeum
Bilik	=	Sailab (sagebig)
Boéh	=	Sarirang (tilu iket)
Cai	=	Sakeclak
Cangkir	=	Satangkep (cangkir katut pisinna)
Cau	=	Sasikat
Cau	=	Saturuy
Daun	=	Saponggol (sagagang daun)
Daun	=	Sakompét (sababaraha ponggol meunang nyuitan, tuluy dilipet)
Eurih	=	Sajalon (meunang ngadempét ku awi pikeun hateup)
Gula Kawung	=	Sabébék (sabeulah, nurutkeun citakan batok sabeulah)
Gula Kawung	=	Sagandu (dua bébék, dua beulah)
Gula Kawung	=	Sabonjor
Hayam	=	Sajodo
Injuk	=	Sakakab (sageblég, meunang ngalokopkeun tina tangkal kawung; injuk
		sok dipaké tambang atawa nutup suhunan imah)
Jahé	=	Sarémpang
Jalma	=	Urang
Jambé	=	Samanggar
Japati	=	Sajodo
Kalapa	=	Sahulu
Kalapa	=	Samanggar
Kaso	=	Sadapur; saluwuk
Kertas	=	Salambar
Konéng	=	Sasolor
Manjah	=	Sadapur; saluwuk
Munding	=	Sarakit (dua munding)
Muncang	=	Sadampa (dampa sesebutan kana muncang anu sikina dua, ari nu siki-
		na tilu disebut gindi, jeung nu sikina hiji disebut gendul)
Nangka	=	Sacamplung (sasiki)
Pakéan	=	Sapangadeg
Papan	=	Salambar
Paré	=	Saranggeuy (sagagang)
Peuteuy	=	Sapapan
Peuteuy	=	Sahanggor (saranggeuy, sababaraha papan)
Peuteuy	=	Saémpong (sababaraha hanggor)
Peuteuy	=	Sapanon
Salak	=	Samanggar
Samak	=	Saheulay
Samping	=	Sakodi
Sangu	=	Sabakul (saboboko)
Sangu	=	Sapiring
Sapatu	=	Sarampasan
Sawah	=	Sakotak
Suluh	=	Sabébék
Suluh	=	Sahurun (sabeungkeut)
Tali	=	Sabatekan; méter
Tambang	=	Sabatekan; méter
Uyah	=	Sahuntu (saguruntul, kira-kira sagedé huntu)
Uyah	=	Sagandu; sabata