Rupa-Rupa Ngaran Wangunan

A.  Ngaran Wangunan
	-  Babancong, wawangunan leutik rada luhur di sisi alun-alun, minangka
	panggung paranti gegedén (baheula).
	-  Bagan, saung ranggon di laut, paranti pamayang ngala lauk (masangkeun
	sirib atawa jaring), di Banten disebutna bagang.
	-  Balandongan, adegan saheulaan pikeun narima sémah atawa tempat ka-
	monésan (hiburan jsb.) di nu kariaan.
	-  Balé, adegan wangunan.
	-  Balé bandung, tempat ngabandungan paréntah raja.
	-  Balé désa, kantor pamong désa jeung tempat kumpulan rayat désa.
	-  Balé kambang, iimahan nu diadegkeun luhureun cai émpang jsb.
	-  Balé kota, kantor walikota.
	-  Balé watangan, kantor pangadilan.
	-  Bédéng, imah leutik atawa imah dipétak-pétak pikeun pagawé leutik upa-
	mana di kontrak entéh, proyék wangunan jsb.
	-  Bédéng, tempat pabinihan karét, kopi, entéh jsb.
	-  Bénténg, wawangunan nu tohaga pikeun nahan panarajang musuh.
	-  Bui, panjara, pangbérokan, tempat ngerem jeung ngadidik jelema-jelema
	nu meunang hukuman.
	-  Elos, adegan nu biasana tara dibilikan sabudeurna, paranti nyimpen ba-
	han piimaheun.
	-  Garduh, wawangunan leutik sisi jalan tempat kaamanan atawa tempat
	pangreureuhan nu ngaronda.
	-  Gedogan, Istal, kandang kuda.
	-  Gedong, imah alus, biasana imah témbok.
	-  Gedong songko, kabupatén (imah bupati) baheula.
	-  Gosali, wangunan tempat digawé panday.
	-  Gudang, wawangunan anu biasana lega ublug-ablag pikeun neundeun ru-
	pa-rupa barang.
	-  Hanggar, gudang gedé ublug-ablag di palabuan,  atawa wawangunan tem-
	pat ngampihkeun kapal, minangka garasi.
	-  Imah, wangunan tempat pamatuhan jalma.
	-  Jobong, kamar atawa imah leutik nu némpél di imah batur.
	-  Joglo, saung atawa adegan leutik.
	-  Jongko, kios, adegan basajan paranti dagang.
	-  Kadaton, karaton, gedong pangcalikan ratu (raja).
	-  Kaputran, bumi putra raja.
	-  Kaputrén, bumi para putri (di karaton).
	-  Karapyak, kandang munding jsb. anu dikurilingan ku pager.
	-  Kobong, kamar leutik.
	-  Langgar, tajug, masigit, masjid leutik, tempat salat jeung diajar ngaji
	Kur'an.
	-  Leuit, gudang paré (geugeusan nu biasana aya hareupeun imah).
	-  Lio, adegan paranti nyieun kenténg atawa bata.
	-  Masjid, adegan gedé paranti salat
	-  Masjid agung, masjid gedé nu aya di kabupatén
	-  Masjid jami, masjid nu teu sabaraha gedéna, nu aya di unggal tempat, pa-
	ranti salat (jumaahan).
	-  Pakandangan, kandang gedé atawa kumpulan kandang-kandang.
	-  Pakuwon, pakarangan katut imah boga sorangan.
	-  Pagupon, kandang japati.
	-  Palalangon, saung luhur di sisi leuweung paranti ngintip sato nu diboro
	atawa di huma paranti tunggu huma.
	-  Pandapa, babagian anu biasa bolongor (teu dibilikan) jadi mangrupa te-
	pas hareup kawadanaan, kabupaten jsb. paranti masamoan, nayuban jsté.
	-  Paranjé, kandang tempat meuting hayam.
	-  Poporogok, imah leutik sarta lumayan, siga saung.
	-  Ranggon, saung nu luhur pisan kolongna atawa saung di luhur tangkal kai
	paranti ngintip sato boroan jsb.
	-  Régol, panto lawang pakarangan, biasana panto gedé.
	-  Saung, adegan leutik sarta lumayan siga imah, di sawah atawa di kebon,
	paranti reureuh jsb.
	-  Saung lisung, saung paranti nyimpen lisung atawa paranti nutu.
	-  Sorondoy, wangunan leutik nu ditémpélkeun ka imah, dipaké nyimpen kai,
	parabot nyawah jsté.
	-  Warung, wawangunan tempat nu dagang kadaharan jsté.
B.  Wangun Suhunan Jeung Adegan
	-  Badak heuay, potongan wawangunan henteu make wuwung, pasambungna
	hateup tukang jeung hareup saperti badak heuay.
	-  Bapang, potongan imah panjang teu maké juré, disebut ogé potongan hal-
	teu.
	-  Buka palayu, adegan (imah jsb.) anu nyanghareup ka panjangna.
	-  Buka pongpok, adegan anu nyanghareup ka pondokna.
	-  Capit gunting, potongan wangunan imah anu tungtung suhunanana maké
	awi atawa kai dicagakkeun kawas gunting rék nyapit.
	-  Jogo anjing atawa tagog anjing, saung nu tihangna ngan dua di hareup hung-
	kul.
	-  Julang ngapak, wangun suhunan jiga julang nu keur ngapak.
	-  Lilimasan, hateup imah nu siga piramida.
	-  Parahu kumureb, suhunan imah nu saperti parahu nangkub.
	-  Suhunan ngapak, suhunan anu rata (ku beton), henteu nyungcung cara ku
	kenténg atawa eurih jsb.
C.  Wangun/Parabot Paranti Meuntas
	-  Cukang, kai atawa awi saleunjeur atawa leuwih luhureun susukan, solokan
	atawa walungan leutik.
	-  Jambatan, wangunan nu ngahubungkeun dua sisi wahangan, dijieun tina
	kai atawa beusi.
	-  Jambatan gantung, jambatan nu maké tihang pangdeudeul, siga rawayan
	ngan leuwih tohaga.
	-  Kurutug, sasak tina kai.
	-  Rawayan, sasak nu teu maké tihang (siga jambatan gantung).
	-  Sasak, siga cukang ngan kaina/awina leuwih réa, luhurna aya nu sok maké
	dadampar awi meunang nganyam kerep siga kikis.
	-  Érétan, parahu atawa rakit paranti meuntaskeun jalma, nu meuntaskeuna-
	na narik éta  parahu/rakit ku cara mapay (muntangan) balantara, nya éta
	tambang, hoé atawa kawat gedé nu dipanteng ti sisi ka sisi wahangan.