Istilah Pancakaki

1. Rundayan Atawa Turunan
	-	anak, turunan kahiji.
	-	incu, turunan kadua, anakna anak.
	-	buyut, anakna incu.
	-	bao, anakna buyut.
	-	janggawaréng, canggahwaréng, anakna bao.
	-	udeg-udeg, anakna janggawaréng.
	-	kait siwur, kakait siwur, gantung siwur, anakna udeg-udeg.
2. Ka luhur
	-	bapa, lalaki nu boga anak, salaki indung.
	-	indung, awéwé nu boga anak, pamajikan bapa.
	-	aki, bapana indung atawa bapa.
	-	nini, indungna indung atawa bapa.
	-	uyut, indung/bapana aki atawa nini.
	-	bao, indung/bapana uyut.
	-	janggawaréng, canggahwaréng, indung/bapana bao.
	-	udeg-udeg, indung/bapana janggawaréng.
	-	kait siwur, kakait siwur, gantung siwur, indung/bapana udeg-udeg.
3. Ka Gigir
	-	adi, dulur sahandapeun.
	-	lanceuk, dulur saluhureun.
	-	emang, paman, lalaki, adina bapa atawa indung.
	-	bibi, awéwé, adina bapa atawa indung.
	-	ua, toa, lanceukna bapa atawa indung.
	-	alo, anakna lanceuk.
	-	suan, anakna adi.
	-	kapiadi, misan, anakna emang atawa bibi.
	-	kapilanceuk, misan, anakna ua.
	-	incu ti gigir, incuna adi.
	-	aki ti gigir, lalaki, adina atawa lanceukna aki/nini.
	-	nini ti gigir, awéwé, adina atawa lanceukna aki/nini.
	-	ua ti gigir, anakna lanceuk aki/nini.
	-	emang ti gigir, lalaki, anakna adi aki/nini.
	-	bibi ti gigir, awéwé, anakna adi aki/nini.
4. Istilah séjénna
	-	adi beuteung, adina pamajikan atawa salaki.
	-	dahuan, lanceukna pamajikan atawa salaki.
	-	dulur sabrayna, dulur misan, anakna paman, bibi atawa ua.
	-	dulur teges, dulur enya, saindung sabapa.
	-	indung téré, pamajikan bapa, ngan lain anu ngalahirkeun urang.
	-	bapa téré, salaki indung, ngan lain nu ngalantarankeun urang lahir.
	-	anak tére, anak sampakan ti salaki atawa pamajikan.
	-	dulur patétéréan, anakna indung/bapa téré.
	-	tunggal, anak tunggal, anak nu ngan hiji-hijina, teu bogaeun adi
		jeung lanceuk.
	-	cikal, anak nu panggedéna.
	-	panengah, anak tengah, anak nu dilahirkeun di tengah-tengah (bi-
		asana mah pikeun jumlah anak anu gangsal).
	-	pangais bungsu, lanceuk bungsu nu teu kahalangan deui.
	-	bungsu, anak pangleutikna, dilahirkeun pangtungtungna.
	-	pamajikan, bojo, garwa, geureuha, istri, awéwé nu geus dikawin.
	-	salaki, carogé, lalaki nu mihukum awéwé atawa panutan awéwé
		anu sah nurutkeun aturan perkawinan.
	-	minantu, salaki anak atawa pamajikan anak.
	-	mitoha, indung-bapa salaki atawa indung-bapa pamajikan.
	-	bésan, warang, indung atawa bapa minantu, mitoha anak.
	-	sabah, silihsabahan, baraya.
	-	baraya, wargi, sakur nu aya pancakakina.
	-	baraya laér, baraya nu nurutkeun pancakaki geus jauh perenahna.
	-	ti gigir, istilah pancakaki nu nerangkeun yén aya kénéh pernahna,
		ngan lain rundayan ka luhur atawa ha handap.
	-	kapi, pernahna pancakaki.
	-	teu hir teu walahir, teu baraya saeutik-eutik acan.
	-	bau-bau sinduk, baraya kénéh, sanajan geus laér.
	-	dulur pet ku hinis, dulur teges.
	-	karuhun, luluhur, jujutan kanu leuwih luhur anu geus tilar dunya,
		jelema-jelema nu kungsi aya lila heulaeun urang, nu ngarunday-
		keun urang.