Istilah Usum-Usuman

1.  Nu patali jeung kaayaan alam
	-	Usum mamaréng, usum mimiti ngijih.
	-	Usum ngijih, usum hujan, ngecrek unggal poé.
	-	Usum dangdarat, usum panyelang antara usum hujan jeung halodo, hujan
		jeung halodo kakapeungan.
	-	Usum katiga, usum halodo.
	-	Usum barat, usum angin gedé nu jolna ti kulon, pacampur jeung hujan.
	-	Usum selatan, usum loba angin nu jolna ti kidul-wétan.
2.  Nu patali jeung kaayaan masarakat
	-	Usum pagebug, usum loba nu gering parna, loba nu maot.
	-	Usum sasalad, usum loba panyakit nu babari tépa.
	-	Usum patépok, usum loba nu kawin.
	-	Usum paceklik, usum paila, kurang dahareun.
	-	Usum nguyang, usum paceklik
	-	Usum tigerat, usum paceklik.
	-	Anjrah, usum (rambutan, peuteuy jsb.) di mana-mana.
3.  Nu patali jeung tatanén di sawah
	-	Usum tebar, usum ngawurkeun binih kana pabinihan.
	-	Usum nyambut, usum ngagarap sawah.
	-	Usum tandur, usum melakkeun binih paré di kotakan.
	-	Usum ngarambét, mangsa miceunan jujukutan nu jaradi di antara tangkal
		paré.
	-	Usum celetu, mangsa paré geus mimiti cul-cel baruahan.
	-	Usum rampak, usum paré geus rampak kaluar humbutna.
	-	Usum beuneur héjo, usum paré geus beuneur tapi masih kénéh héjo.
	-	Usum pibuateun, usum ngadagoan mangsa nu mustari pikeun paré dipa-
		nén.
	-	Usum panén, mangsa dibuat, usum paré diala.
4.  Nu patali jeung tatanén di huma
	-	Usum nyacar, mangsa nyacar leuweung pihumaeun.
	-	Usum ngahuru, usum ngahuru/meuleum kai jeung kakayon séjénna nu
		geus gararing meunang nyacar.
	-	Usum ngaseuk, Usum melak paré.
	-	Usum ngoréd/ngoyos, usum meresihan jukut nu jaradi di antara luwukan
		paré ku koréd.
	-	Usum panén/dibuat/ngétém, usum ngala paré kalawan maké étém.
5.  Pranata mangsa
	Kasa		=	Kahiji, tanggal 22/23 Juni - 2/3 Agustus, usum mimiti melak pa-
				lawija.
	Karo		=	Kadua, tanggal 2/3 Agustus - 25/26 Agustus, usum randu pucuk-
				an, melak palawija kadua.
	Katiga		=	Katilu, tanggal 25/26 Agustus - 18/19 Séptémber, usum beubeu-
				tian sirungan, panén palawija.
	Kapat		=	Kaopat, tanggal 18/19 Séptémber - 13/14 oktober, usum sumur
				saraat, randu pentilan, usum melak cau.
	Kalima		=	Kalima, tanggal 13/14 Oktober - 9/10 Nopémber, usum turun hu-
				jan, asem pucukan, konéng ngadaun ngora.
	Kanem		=	Kagenep, tanggal 9/10 Nopémber - 22/23 Désémber, usum bu-
				buahan mimiti karolot, usum ngagarap sawah.
	Kapitu		=	Katujuh, tanggal 22/23 Désémber - 3/4 Pebruari, usum caah
				jeung gedé angin, usum tandur.
	Kawolu		=	Kadalapan, tanggal 3/4 Pebruari - 1/2 Maret, usum paré rampak,
				turaés ngéar.
	Kasanga		=	Kasalapan, tanggal 1/2 Maret - 26/27 Maret, usum paré reuneuh,
				loba hileudan jsb.
	Kasadasa		=	Kasapuluh, tanggal 26/27 Maret - 19/20 April, usum melak pala-
				wija di tanah darat.
	Désta		=	Kasawelas, tanggal 10/20 April - 12/13 Méi, usum manuk-manuk
				maraban anakna, aya kénéh waktu keur melak palawija.
	Sada		=	Kadua welas, tanggal 12/13 Méi - 22/23 Juni, usum rumpak jami,
				isuk-isuk tiris.