Ngaran Patempatan

Alun-Alun	=	Tanah lapang (hareupeun kacamatan, kabupatén jsb)
Babakan	=	Lembur anyar; ngababakan - nyieun lembur anyar
Babantar	=	Bagian walungan anu léah sarta déét
Bangawan	=	Walungan gedé
Bobojong	=	Jojontor tanah anu nyodor ka cai (biasana di sisi walungan)
Bubulak	=	Sarupa tegalan, tanah nu pinuh ku jukut nu aya di lamping gunung atawa
		pasir
Dungus	=	Ruyuk, rungkun, gundukan tatangkalan laleutik nu rada remet (di leu-
		weung)
Huma	=	Tanah darat (biasana di leuweung) nu dipelakan paré tur tara dikocoran
		cai
Jungkrang / jurang	=	Legok anu jero sarta sisi-sisina gurawés
Karéés	=	Sisi walungan nu réa keusikan (mun di sisi laut, basisir)
Kebon	=	Tanah darat nu dipelakan rupa-rupa pepelakan
Lamping	=	Bagian gunung atawa pasir antara puncak jeung tutugan
Legon	=	Bagian basisir anu ngelok ka darat, sarupa teluk ngan leuwih leutik
Lembur	=	Kampung, tempat padumukan jelema nu réa imah
Lembur narikolot	=	Lembur nu tadina gegek imahna jadi coréngcang, nu tadina haneuteun
		jadi tiiseun
Leuwi	=	Bagian walungan anu jero sarta lega (rubak)
Liang angin	=	Lolongkrang antara gunung jeung gunung atawa pasir jeung pasir nu ne-
		pungkeun dua padataran nu lega
Monggor / momonggor	=	Sarupa pasir ngan leuwih handap tur leuwih leutik
Muhara / muara	=	Tungtung walungan di hilir, tempat patepungna walungan jeung laut ata-
		wa walungan leutik jeung walungan gedé
Mumunggang / geger	=	Bagian gunung pangluhurna (tonggong gunung)
Pasir	=	Gunung leutik sarta handap
Régol	=	Pamager sari, kampung satukangeun gedong kabupatén beulah tukang
Reuma	=	Tanah darat urut huma
Rorah	=	Cai ngocor, sarupa susukan, ayana di leuweung
Sabang	=	Tanah darat nu dihapit ku dua walungan
Sampalan	=	Tegal di tengah leuweung tempat nyatuan sato jarah
Sawah	=	Tanah nu sok dikembeng, dikurilingan ku galengan tempat melak paré
		nu loba cai
Situ	=	Sarupa balong ngan leuwih lega (biasana walungan anu dibendung sok
		ngajanggélék jadi situ)
Somang	=	Jurang gurawés sarta jero
Talaga	=	Situ alam nu jadi ku manéh, lain meunang nyieun jelema
Tanjung	=	Jojontor, tanah anu nyodor ka laut
Tarikolot	=	Tempat urut lembur
Tegalan	=	Tanah lega tur rata nu sabagian gedé pinuh ku jukut wungkul
Teluk	=	Bagian basisir anu ngelok ka darat (sabalikna tina tanjung)
Tepiswiring	=	Sesebutan séjén keur pasisian atawa pilemburan
Tetelar	=	Tanah datar di tengah sawah anu henteu kahontal ku cai, sok dipaké
		pangangonan
Tutugan gunung	=	Bagian gunung beulah handap (suku gunung)
Wahangan	=	Walungan, cai gedé nu ngocor ti girang ka muara