Ngaran (Cabang) Olahraga

		Olahraga téh nyaéta gerak badan, sepor, rupa-rupa kaulinan jeung
latihan pikeun kaséhatan badan jeung katangginasan.  Nu kaasup istilah
olahraga, di antarana:
		A.	Ngaran (Cabang) Olahraga
			1.	Anggar
				Olahraga anggar nyaéta olahraga anu ngagunakeun anggar
				(pedang buleud), petana saperti nu sérmen.
			2.	Angkat besi
				Olahraga angkat besi nyaéta olahraga anu ngagunakeun ta-
				naga pikeun ngangkat barbel.  Angkat berat asup ka dieu
				ogé.
			3.	Atletik
				Atletik nyaéta cabang olahraga nu lari, lompat, loncat, lém-
				par jeung tolak.  Nu kaasup atletik, di antarana:
				-	lari:  100 m, 200 m, 400 m, 5.000 m, 10.000 m, marathon,
					lari gawang, lari halang rintang.
				-	lompat:  lompat jauh, lompat jangkit.
				-	loncat:  loncat tinggi, loncat galah.
				-	tolak peluru.
				-	lémpar:  lémpar lembing, lémpar cakram, lémpar martil.
			4.	Bal Gedé
				Olahraga bal gedé (bola besar) nyaéta olahraga anu ngagu-
				nakeun bal gedé, di antarana: maénbal, baskét, poli, bola
				tangan.
			5.	Bal Leutik
				Olahraga bal leutik (bola kecil) nyaéta olahraga anu nga-
				gunakeun bal leutik, saperti:  ténis, sofbol, bisbol, badmin-
				ton, pingpong, hoki, jsb.
			6.	Balap Sapédah
				Olahraga balap sapédah nyaéta olahraga anu ngaguna-
				keun sapédah.
			7.	Béla Diri
				Olahraga béla diri nyaéta olahraga anu mintonkeun gerak-
				gerak béla diri, upamana: silat, karaté, taék won do, yudo
				gulat, tinju, jsb.
			8.	Dayung
				Olahraga dayung nyaéta olahraga anu ngagunakeun da-
				yung, upamana:  kano, jsb.
			9.	Menémbak
				Olahraga menémbak nyaéta olahraga anu ngagunakeun
				senjata, upamana:  air pistol, riffle, jsb.
			10.	Olahraga Bahari
				Olahraga bahari nyaéta olahraga anu dilakukeun di laut,
				saperti:  surfing, perahu layar, jsb.
			11.	Olahraga Otomotif
				Olahraga otomotif nyaéta olahraga nu ngagunakeun kenda-
				raan motor, saperti:  balap mobil, balap motor, rally, jsb.
			12.	Olahraga Tradisional
				Olahraga tradisional nyaéta olahraga anu mangrupa olah
				raga sampakan, tur nyebar di masarakat.  Umumna mang-
				rupa kaulinan atawa seni béla diri, saperti galah, bébén-
				téngan, jeung bénjang.
			13.	Panahan
				Olahraga panahan nyaéta olahraga anu maké panah, di an-
				tarana:  ronde FITA jeung ronde tradisional.
			14.	Renang
				Renang nyaéta olahraga anu dilakukeun di cai (ngojay,
				jsb.), di antarana;
				-	gaya:  gaya dada, gaya punggung, gaya bébas, gaya katak.
				-	loncat indah, renang indah.
				-	polo air.
			15.	Senam
				Senam nyaéta olahraga gerak badan, di antarana:
				-	senam lantai, senam ritmik.
				-	senam alat:  gelang-gelang, kuda-kuda lompat, palang
					bertingkat, kuda-kuda, palang sejajar, jsb.
				-	senam pagi, aérobik, jsb.
		B.	Kekecapan Jeung Istilah
			1.	Istilah dina maénbal
				-	aut (out), bal kaluar pakalangan lebah gurat sisi.
				-	balik bandung, nyépak bal bari malik, bal ngaliwatan si-
					rah sorangan.
				-	barung, bareng nyépak bal jeung lawan.
				-	bék (back), pamaén tukang.
				-	békpas (back pass), ngoperkeun bal ka kiper ngagunakeun
					bagian awak ti pingping ka handap.
				-	beulah jambé, bal keuna kana ciri gul tihang, batu, jsb.
				-	bomber, pamaén anu bisa diandelkeun dina nyitak gul.
				-	dienol, éléh (kaasupan) loba bari teu bisa ngasupkeun.
				-	dua belas pas atawa pinalti (finally-kick), sépakan lebah
					titik bodas di tengah-tengah kotak pinalti, lantaran pe-
					langgaran nu dianggap beurat.  Baréto sok diukur ku
					léngkah (12 léngkah) ti gul.
				-	galandang, pamaén lapangan tengah.
				-	gédég (séri), hasil pertandingan euweuh nu éléh euweuh
					nu meunang.
				-	gelekan, maénbal nu teu maké lépri.
				-	gul (goal), 1. bal asup ka gul; 2. gawang nu dijaga ku ki-
					per.
				-	héden (heading), bal disundul.
				-	hén (handsball), pelanggaran lantaran bal kana leungeun.
					kiper narima operan békpas ku leungeun.
				-	kiper (goal-keeper), purah ngajaga gul.
				-	kornal (comer-kick), sépakan ti juru lantaran bal keuna
					ka musuh méméh ngaliwatan garis lempengan gul.
				-	libéro, pamaén tukang anu gerakna laluasa, malah saka-
					peung milu nyerang nepi ka daérah pinalti lawan.
				-	ngajaga bawang, cicing hareupeun kiper batur, sangkan
					gampang ngasupkeun (dina gelekan).
				-	opsét (off-side), pelanggaran lantaran aya di satukang-
					eun lawan waktu dioperanna.
				-	prikik (free-kick), sépakan bébas, sépakan lantaran
					pelanggaran di luar kotak pinalti.  Jeung mun kiper nari-
					békpas ku leungeun (ditéwak).
				-	sénterpur atawa striker, pamaén hareup nu pancénna
					ngasupkeun bal ka gul lawan.
				-	topskor (top-scorer), pamaén anu panglobana ngasup-
					keun dina kompetisi, kajuaraan, jsb.
				-	wing bék (wing back), bek sayap, pamaén tukang (kénca-
					katuhu) nu sok milu nyerang.
			2.	Istilah Dina Tinju
				Istilah dina tinju, di antarana:
				-	asbuk, bungkus leungeun tina kulit paranti tinju (sarung
					tinju).
				-	double cover, nahan teunggeulan lawan ku cara ngara-
					petkeun dua leungeun kana beungeut jeung awak.
				-	clinch, petinju rapet teuing, silih rangkul, nepi ka kudu di-
					pisah ku wasit.
				-	hok (hook), nonjok semu dikaél.
				-	jeb (jab), nonjok semu dikenyedkeun.
				-	KO (knock-out), salah saurang petinju ngajurahroh.
				-	meunang angka (MA), meunang lantaran ceuk itungan juri
					leuwih unggul angkana ti lawan.
				-	ring, pakalangan tempat nu tinju.
				-	ronde, babak, bagian.
				-	RSC (referee  stop  contess),  wasit  ngeureunkeun
					pertandingan, lantaran salah saurang petinju ngajurah-
					roh atawa geus teu sanggup neruskeun pertandingan.
					Mangrupa istilah di tinju amatir.
				-	strike, nonjok lempeng.
				-	sudut, juru ring, aya sudut mérah jeung sudut biru, tem-
					pat istirahat petinju waktu istirahat.  Ari sudut nétral, su-
					dut anu teu dipaké istirahat petinju.
				-	TKO  (technical  knock-out),  wasit  ngeureunkeun pertan-
					dingan lantaran salasaurang petinju nyerah; atawa ka-
					témbong ripuh sarta dianggap henteu mampuh neruskeun
					pertandingan. Istilah KO jeung TKO aya dina tinju profé-
					sional.
				-	upper cut, neunggeul ti handap ka luhur.
			3.	Istilah Dina Batminton
				Istilah dina batminton, di antarana:
				-	aut (out), kok kaluar lapang.
				-	békhén (backhand), tepakan bari nukang kawas nu diké-
					prét.
				-	cemés (smash), tepakan tarik tur nutug (nyeceb).
				-	cop, tepakan laun hareupeun nét.
				-	jus (deuce), angka sarua 19 atawa 20, nepi ka angkana
					ditambahan sangkan bisa gim (jus dua, jsb.).
				-	kok (shuttle cock), bal batminton, tina kayu gabus maké
					bulu soang, jsb.
				-	lob, tepakan nu diapungkeun luhur.
				-	longsét (rubber set) maén tilu sét lantaran dua sét
					saméméhna silih éléhkeun.
				-	nét, sarupa jaring nu dipaké pikeun hahalang sekaligus
					ngabagi daérah pamaén.
				-	nétting, laun hareupeun nét, tepakan ipis luhureun nét.
				-	pindah bola, pindah sérpen ka lawan.
				-	rakét (racket), panepak batminton, gagangan, buleud ma-
					ké kenur.
				-	sérpen (serve), tepakan munggaran unggal angka.
			4.	Istilah Séjénna
				-	lépri (referee), wasit, anu ngatur jalanna pertandingan di
					lapang mawa surilit.
				-	kaptén, pamaén anu jadi pamanggul di tengah lapangan
					dina olahraga beregu; kapten tak bermain, nyaéta kapten
					nu teu milu maén, ayana dina ténis.
				-	pangebut (hakim garis), nu ngabantuan wasit dina maén-
					na, cicingna di sisi lapang (kénca-katuhu), mawa pange-
					but bandéra leutik.
				-	panjaga garis, nu ngabantuan wasit dina batminton jeung
					ténis, pancénna nuduhkeun bal/kok upama asup atawa
					kaluar.
				-	time-out, ménta waktu eureun sakeudeung ka wasit wak-
					tu pertandingan lumangsung, pikeun ngabebenah tim,
					jsb.
				-	WO (walk-out), ngundurkeun diri tina pertandingan.