Istilah Paélmuan

A.	Cabang-cabang Élmu
	Ngaran-ngaran atawa cabang-cabang paélmuan, di antarana:
	-	Antropologi, élmu pangaweruh ngeunaan manusia, ahlina disebut an-
		tropolog.
	-	Arkéologi, élmu pangaweruh ngeunaan purbakala, ahlina disebut ar-
		kéolog.
	-	Astrologi, élmu palintangan, ahlina disebut astrolog.
	-	Astronomi, élmu béntang-béntang, ahlina disebut astronom.
	-	Biologi, élmu hayat, ahlina disebut biolog.
	-	Ékologi, élmu kaayaan jeung pangaruh lingkungan kana kahirupan ru-
		pa-rupa mahluk, ahlina disebut pakar lingkungan hirup.
	-	Ékonomi, élmu perkara ngatur karaharjaan rumahtangga, nagara, jsb.
		ahlina disebut ékonom.
	-	Élmu palak, élmu palintangan.
	-	Élmu sajarah, élmu ngeunaan sajarah, ahlina disebut ahli sajarah.
	-	Étimologi, élmu anal-usul kecap.
	-	Fonologi, élmu ngeunaan sora basa.
	-	Géografi, élmu bumi, ahlina disebut ahli élmu bumi.
	-	Géologi, élmu nu nalungtik bumi, ahlina disebut géolog.
	-	Géometri, élmu ukur.
	-	Kriminologi, élmu masalah kajahatan; ahlina disebut kriminolog.
	-	Linguistik, élmu ngeunaan basa (tatabasa), ahlina disebut ahli basa.
	-	Matematika, élmu pasti, ahlina disebut ahli matematik.
	-	Morfologi, élmu ngeunaan wangun kecap.
	-	Nahu, élmu tatabasa Arab.
	-	Pédagogi, élmu pendidikan, ahlina disebut ahli pendidikan.
	-	Psikiatri, élmu panyakit jiwa, ahlina disebut psikiater.
	-	Psikologi, élmu jiwa, ahlina disebut psikolog.
	-	Sémantik, élmu ngeunaan harti basa.
	-	Sintaksis, élmu ngeunaan kalimah.
	-	Sosiologi, élmu sosial, ahlina disebut sosiolog.
	-	Téknologi, élmu téhnik.
B.	Kekecapan
	Kekecapan anu patali jeung élmu pangaweruh, di antarana;
	-	Abad informasi, abad atawa jaman anu nganggap informasi téh kaci-
		da pentingna, nepikeun ka aya babasan: "Sing saha anu ngawasa in-
		formasi, éta nu baris unggul".
	-	Atikan, pendidikan, hal anu patali jeung ngaping, ngajaring, nya jas-
		maniah nya rohaniah.
	-	Buku pangajaran, buku anu eusina pangajaran.
	-	Buku sumber, buku babon, buku anu jadi sumber tulisan, laporan pa-
		nalungtikan, jsb.
	-	Diajar, néangan pangarti, nyuprih élmu pangaweruh, pangabisa.
	-	Élmu, pangaweruh, kanyaho, pangabisa tina rupa-rupa hal, boh nu
		ngeunaan alam lahir atawa alam batin.
	-	Guru, nu ngawuruk atawa ngajar.
	-	Ilmiah, mibanda sipat-sipat paélmuan atawa dumasar kana paélmu-
		an.
	-	Ilmuwan, kecap umum pikeun ahli élmu pangaweruh
	-	Informasi, béja atawa katerangan.
	-	Murid, jalma anu keur guguru atawa nu keur diajar di sakola, jsté.
	-	Ngapalkeun, diajar atawa maca, diskusi, ngalatih, jsb. Supaya apal.
	-	Obyéktif, dumasar kana kanyataan.
	-	Panalungtikan, néangan katerangan ngeunaan hiji perkara pikeun nga-
		nyahokeun kaayaanana, kamekaranana, sipat-sipatna, jumlahna, jsb.
	-	Pangajaran, sagala rupa anu diajarkeun.
	-	Pangaweruh atawa kaweruh, kanyaho, élmu.
	-	Pendidikan saumur hirup, pendidikan anu lumangsung terus sapan-
		jang boga umur.
	-	Perpustakaan, tempat buku-buku, maca, nginjeum buku, jsb.
	-	Piwulang, pangajaran atawa naséhat.
	-	Pustaka, bacaan buku-buku, pabukon.
	-	Pustakamangsa, kalawarta, majalah.
	-	Sakola, tempat murid diajar atawa meunang pangajaran jeung atikan.
	-	Wajib belajar, program pamaréntah anu ngawajibkeun rahayatna
		ngambeu pendidikan formal atawa informal.
	-	Wangenan, définisi, omongan nu ngawatesan harti kecap nu saécés-
		écésna, sangkan henteu nimbulkeun salah paham.
C.	Babasan Jeung Paribasa Nu Patali Jeung Élmu
	Dina basa Sunda aya babasan jeung paribasa (pakeman basa) anu aya
	patalina jeung élmu, di antarana:
	-	Cikaracak ninggang batu, laun-laun jadi legok, sakumaha héséna ogé pa-
		ngajaran, upama dileukeunan bari junun mah bakal bisa.
	-	Élmu ajug, tumerap ka jelema anu bisa mapatahan kahadéan ka batur,
		tapi manéhna sorangan teu ngajalankeun papatahna.
	-	Élmu angklung, jolédar ka kolot.
	-	Élmu mah moal beurat nananggung, sakumaha luhurna ogé élmu, mo-
		al beurat mamawa, béda jeung harta banda upamana.
	-	Élmu sapi, guyub dina hal nu kurang hadé.
	-	Élmu tungtut dunya siar, sukan-sukan sakadarna, hirup kudu nungtut
		nyiar élmu pikeun kasalametan dunya ahérat sarta kudu siger tengah.
	-	Éuweuh élmu panungtungan, élmu mah moal aya béakna sanajan ne-
		pi ka ajalna ogé, atawa sok aya baé nu leuwih loba élmuna.
	-	Kudu bodo aléwoh, ulah bodo katotoloyoh, najan bodo tapi kudu daék
		tatanya, ulah keur mah bodo tara daék tatanya jeung tara daék nurut
		kana papatah batur.